لغريب غريب وبنادم بالغربة يطيب

يعيش التعذيب يوصل حتى الراس يشيب

لغربة الهزتني قاطع البحور يا خويا منها مجمور

سافرت و ركبت فالبابور فوق راسي تحوم طيور

فارقت أهلي و أصحابي من نار الهجرة يا عذابي

اللي يعيش الهجرة ما ينام يعدي نهار الفرقة بعام

مشتاق لضحكة و حكاية مشتاق النكتة وغناية

مالغربة يا مكبر دايا عايش وحدي حد ما معايا

الغربة مخيبها يعرف قيمتها الجربها

محلاها نسمة لبلاد فرحة ولمة وأعراس وأعياد

عالغريب ما يسأل حد يتكونسا يمرض و يفد

بعيد على أمو و على بوه لا قراب لا أصحاب يجوه

يخدم و يروح للدار مضغوط فكره محتار

يتمنى يزها مشوار بدنه يتمقلا عالنار

يستنى يخرج تقاعد يولى يخلص شايخ قاعد

يروح لبلاده يرتاح فل و زهر و نسيم صباح

حواسه و شيخات جو حلو وسهريات

شطوط و واحات هذيكه بنة الحيات

لغريب غريب وبنادم بالغربة يطيب

يعيش التعذيب يوصل حتى الراس يشيب

 

---

عبد الواحد الزاوية